Connect with us

Jamii

Jinsi Wakili Mwalle alivyohamisha mabilioni

Published

on

medium mwalle
HATIMAYE imebainika jinsi Wakili maarufu mjini hapa Mediaum Mwalle alivyokuwa akihamisha mabilioni kwenye akaunti mbalimbali zinazodaiwa kufikia Sh. Bilioni 18.

Kupitia hati ya Mashitaka alityosomewa jana hospitalini hapo na Mwendesha Mashitaka Frederick Manyanda imebainika kuwa mtuhumiwa huyo aliyesomewa mashitaka 13, ambapo kosa la kwanza hadi la tatu ambalo ni la kughushi anadaiwa kulitenda Januari 6 Mwaka 2010 na Januari 13.

Alidai kuwa mtuhumiwa katika kughushi huko alifanikiwa kuhamisha kiasi cha fedha kwenye Kampuni kadhaa kwa siku tofauti ambazo ni Oliva Green, Nyamao Mbeche Hollo, Gregg Motachwa, Ogembo Meetchel, John H. Adam na Mosoto  O.Haye.

Alidai kuwa kosa la tatu hadi la 13 ni la kuhujumu uchumi ambalo alifanya Februari 16 mwaka jana, ambapo alihamisha fedha zaidi ya shilingi bilioni 1.9   kutoka kampuni ya Ogembo Chacha na Gregg Motachwa Mwita.

Hati hiyo ya Mashitaka imeendelea kudai kuwa kosa la Nne ambalo mtuhumiwa anadaiwa kulitenda Machi 5 Mwaka 2010 na kufanikiwa kuhamisha Dola za Marekani 200,000.

Kosa la tano katika hati hiyo linatajwa kutendeka Machi 30, Mwaka 2010 ambapo mtuhumiwa aanadaiwa kufanikiwa kuhamisha Dola za Marekani 159,500. Huku kosa la Sita likidaiwa kutendeka Septemba 27 Mwaka 2010 na kufanikiwa kuhamisha Dola za Marekani 5,500.

Hati hiyo ya Mashitaka ambayo ilibadilishwa baada ya Mahakama ya Hakimu Mkazi kukataa kuipokea awali imelitaja kosa la Saba kuwa linadaiwa kutendeka Novemba 2 Mwaka 2010  na mtuhumiwa anadaiwa kufanikiwa kuhamisha Dola  1,246,624.84.

Kosa la Nane katika hati hiyo ya mashitaka linadaiwa kutendeka  Desemba 21 Mwaka 2010  na mtuhumiwa huyo alifanikiwa kuhamisha Dola za Marekani 416,000.02. Kosa la Tisa katika masitaka hayo linadaiwa kufanyika  Desemba 24 Mwaka 2010 na alifanikiwa kuhamisha Dola za Marekani 521,000.

Hati hiyo iliyosomwa na Mwendesha Mashitaka wa Serikali Manyanda hospitalini alipokuwa amelazwa mtuhumiwa yalieleza pia kuhusu kosa la 10 ambalo linadaiwa kutendeka Januari 7 mwaka huu ambapo Mwalle anadaiwa kufanikiwa kuhamisha Dola za Marekani  808,000.02.

Kuhusu kosa la 11 linadaiwa kutendeka Februari 9 Mwaka huu na wakili huyo alidaiwa kuhamisha Dola za Marekani 527,000.02. Huku Julai 13 Mwaka huu mtuhumiwa alidaiwa kuhamisha  Sh 330,000,000 ikiwa ni kosa la 12 .

Hata hivyo mashitaka hayo yaliyosomwa jana ambapo mtuhumiwa huyo alikana masiataka yote na kupitia kwa wakili anayemtetea Loom Ojare aliiomba Mahakama impatiea mali zake zilizokuwa zinashikiliwa na polisi.

Ajare alidai hospitalini hapo kuwa gari la kifahari la mtuhuniwa aina ya BMW halikuwa limeoredheshwa kwenye hati ya mashitaka pamoja na simu za mtuhumiwa hivyo aliomba vitu hivyo virejeshwe. Hata hivyo Mahakama iliamuru vitu hivyo virejeshwe kama ilivyoombwa.

Mwalle alifikishwa Mahakama ya Hakimu Mkazi Arusha na kusomewa mashiotaka 13 mbele ya Hakimu Mfawidhi Charles Magessa ambapo mashitaka hayo hayakupokelewa kutokana na kukosewa namna ya kuandaliwa.

Kutokana na makosa hayo upande wa Mashitaka ulilazimika kuandaa hati mpya ya mashitaka kwa ajili ya kuisoma ambapo, mara baada ya kukamilika mtuhumiwa alisomewa akiwa amelazwa katika Hospitali kutokana na afya yake kuwa na mgogoro.

Hadi jana mtuhumiwa huyo alikuwa bado amelazwa katika Hospitali hiyo kutokana na kile kilichoelezwa kuwa afya yake ilikuwa bado haijaimarika.

Continue Reading
5 Comments

5 Comments

  1. ALJOTICHI

    19/08/2011 at 2:32 pm

    UTAWALA BORA NDIO NJIA PEKEE KUELEKEA MAENDELEO ENDELEVU KATIKA JAMII YOYOTE ILE. HIVYO JAMII KWA MAANA YA WATAWALA NA WATAWALIWA AU VIONGOZI NA WANAOONGOZWA WANA JUKUMU LA KUHAKIKISHA KUWA WANASIMAMIA SIO TU KWA MANENO BALI KWA VITENDO MISING YA UTAWALA BORA. KWA KITENDO ALICHOFANYA WAKILI HUYO KAMA ITATHIBITIKA NI KWELI BASI ANAPASWA KUPEWA ADHABU KALI. HII ITAKUWA NI FUNDISHO KUBWA KWA WOTE AMBAO WANA AMINI KWA UBINAFSI WAO KWAMBA MALI ZA WATANZANIA HAZINA MWENYEWE NA HIVYO WAPATAPO DHAMANA YA KUSIMAMIA HUZANI NI KWAMBA WAMEMILIKISHWA.

    NI WAKATI WA KUONYESHA VITENDO ZAIDI KWA WOTE WANOKIUKA MISINGI YA MAADILI KATIKA KAZI NA TAALUMA ZAO. TUNATEGEMEA WANASHERIA KUWA WALINZI NA WATETEZI WAKUBWA WA HAKI NA MASLAHI YA WATANZANIA LAKINI KWA ALICHOKIFANYA MHESHIMIWA MWALE NI KUKIUKA KWANZA MAADILI YA TAALUMA YAKE NA PILI MISINGI YA UTUMISHI BORA. LAKINA TWAWEZA KUJIULIZA NI KWANINI MATUKIO YA UFISADI HAYPUNGUI NA HATA KUKOMA PAMOJA NA KWAMBA MEDI NA MAMLAKA ZINAZOZOHUSIKA NA KUPAMBANA NA RUSHWA ZINAPIKGA KELELE KILA IITWAYO LEO? NI WATUHUMIWA WANGAPI WALIOHUJUMU MALI ZA UMA WAMEFIKISHWA MAHAKAMANI NA KUCHUKULIWA HATUA KALI ZA KISHERIA IKIWAMO KIFUNGO NA KUREJESHA MALI WALIZOIBA?

    JE HII YAWEZA KUWA NI SABABU YA KUDHOOFU KWA JITIHADA ZA KUPAMBANA NA RUSHWA KWA VILE JAMI HAINA CHA KUJIFUNZA JUU YA MADHARA YA RUSHWA HASA KWA MPOKEAJI NA MTOAJI KWANI KILA MTU HUONA KELELE HIZO NI KAMA CHACHU NA KAULI MBIU KATIKA KUHAMASISHA ZAIDI RUSHWA NA KUWAKUMBUSHA WALE AMBAO KWA NAMNA MOJA AU NYINGINE HAWAJAFIKIRIA KUZIPAMBAMBAJA FEDHA ZA UMMA? JE MENO YA TKUKURU YAMEOZA KWA SABABU YA KULA PEREMENDE ZA MAFISADI AU WATU WAMEPOTEZA UZALENDO NA HRUMA KWA WATANZANIA WA HALI YA CHINI?

  2. Makeresia pawa.

    21/08/2011 at 7:48 am

    Ni uporomokaji wa maadili katika nchi tangu viongozi hadi wanataaluma. Mwalle asingepaswa kuwa mwizi aliekubuhu kiasi hicho. Abebe mzigo wake huo yeye mwenyewe tu.

  3. zoka p

    21/08/2011 at 3:28 pm

    Mwalle ni kama kumbi kumbi Tanzania wapo watu zaidi ya mwalle wameiba mabillion kwa matrillion lakini hakuna hatua yeyote kwani rushwa kubwa (grand corruption) wakubwa wengi tu wanahusika,wapo watu wanamiliki mali nyingi mno visivyo halali na haviendani na kipato chao.

    Tiba ni elimu ya dini na uzalendo viwekwe kuanzia darasa la kwanza mpaka chuo na yawe yalizima kwa kila mtu kusoma ili watu wawe na hofu ya MUNGU,sambamba na kuwekwa sheria kali mno,lakin kubwa ufuatiliaji na utendaji wa haki,kweli kwa usawa kwa watu wote.

    Mwalle kaiga toka kwa viongoz wetu wa tz teana ambao hawaja fungwa wengi tu.

  4. Tumbo

    29/09/2011 at 10:47 am

    Tazameni kesi ya ICC inayohusu viongozi wa Kenya zinavyoendeshwa je wtz tuna chochote tunachokjifunza? Downs,

  5. nghwasa

    25/10/2011 at 10:31 am

    NADHANI WAKILI MWALLE NI MTANDAO NA WALA SI MTU MMOJA . NAMWOMBEA KWA MUNGU AFYA YAKE IIMARIKE ILIATOE USHIRIKIANO JUU YA KESI YAKE. HII ITASAIDIA KUJUA NI AKNA NANI ALIKUWA ANASHIRIKIANA NAO. INASEMEKANA NI RAFIKI NA WAKILI WA MWAKILISHI MOMOJA WA MANANCHI KATIKA JIMBO MOJA LA KASKAZNI MWA NCHI HII

Leave a Reply

Your email address will not be published. Required fields are marked *

Afya

Watumishi wa afya 200 kupatiwa mafunzo ya utoaji dawa ya usingizi kuokoa maisha wajawazito

Published

on

Kufuatia upungufu wa wataalamu wa dawa za usingizi (anaesthesia), serikali itatoa mafunzo ya dawa za usingizi kwa watumishi wa afya 200 katika vituo vya afya vya upasuaji wa dharura kwa akina mama wajawazito.

Hatua hiyo inakuja ikiwa imepita miezi 6 baada ya Chuo Kikuu cha Afya na Sayansi Shirikishi Muhimbili (MUHAS) kutangaza kuanza kutoa shahada ya dawa ya usingizi (Bsc. Anaesthesia Nursing).

Katika taarifa iliyotolewa na Kitengo cha Mawasiliano serikalini cha Wizara ya Afya, Maendeleo ya Jamii, Jinsia, Wazee na Watoto, inaeleza kuwa mafunzo hayo yatatolewa sambamba na uboreshaji wa huduma ya upasuaji wa dharura kwa wajawazito ili kuokoa maisha ya wanawake na watoto ambao hufariki kwa kosa huduma muhimu za uzazi kwenye vituo vya afya.

“Mkakati wa kuhakikisha huduma za afya kwa akina mama wajawazito zinakuwa salama na uhakika kwa kuandaa rasilimali watu, miundombinu ya majengo na vifaa vitakavyowezesha huduma hizi ikiwemo upasuaji wa dharura kwa akina mama wajawazito wakati wa kujifungua,” imeeleza taarifa hiyo.

Kwa mujibu wa takwimu za Wizara ya Afya, vifo 556 vitokanavyo na uzazi kwa kila viumbe hai 100,000 huripotiwa kila mwaka katika maeneo mbalimbali nchini. Maana yake ni kwamba watoto na wajawazito hufariki hasa wakati wa mama akijifungua.

Aidha, serikali itaboresha vituo vya afya 288 vya serikali vilivyopo nchini ili kuviwezesha kutoa huduma ya dharura ya upasuaji kwa wajawazito ambapo waaguzi katika vituo hivyo watapatiwa mafunzo ya dawa za usingizi ili kuokoa maisha ya akina mama na watoto wachanga.

Utekelezaji wa mafunzo hayo ni matokeo ya ushirikiano wa Wizara ya Afya na Mfuko wa Pamoja wa Afya ambapo zaidi ya sh1,079 bilioni zimepatikana kufakisha mafunzo hayo ya dawa ya usingizi kwa wauguzi na matabibu waliopo kwenye vtuo vya afya nchini.

“Fedha hizo zitasomesha watumishi wapatao 200, kati ya watumishi hao 100 watapata mafunzo yao katika Hospitali ya Taifa Muhimbili na MOI, watumishi 50 watafanya mafunzo katika hospitali ya KCMC, na 50 watafanya mafunzo hayo kwenye hospitali ya Bugando,” imefafanua taarifa ya wizara.

Lengo la serikali ni kuhakikisha ifikapo 2019 na kabla ya 2020 vituo vyote vya afya vinavyomilikiwa na serikali vinakuwa na watumishi maalum wa kutoa huduma ya dawa ya usingizi kwaajili ya wapasuaji wasiopungua wawili kwa kila kituo.

Mafunzo hayo ya mwaka mmoja ni mpito wakati serikali ikiendelea kukamilisha taratibu za kurasimisha utoaji wa shahada ya kwanza ya kutoa dawa ya usingizi katika Chuo cha MUHAS katka mwaka huu wa 2018/2019.

Hali halisi ya huduma ya dawa za usingizi nchini
Takwimu za wizara ya Afya zinaonyesha kuwa kuna upungufu mkubwa wa madaktari wenye utaalamu wa kutoa dawa ya usingizi hasa wakati wa huduma ya upasuaji ambapo kwa sasa waliopo ni asilimia 1.2 tu ya mahitaji yote.

Ili kuweza kukidhi mahitaji yote ya huduma hiyo wanahitajika madaktari 2000, lakini waliopo sasa ni madaktari 30 pekee.

Kufuatia changamoto hiyo Januari 31, mwaka huu wadau mbalimbali wa afya na elimu walikutana na kujadili namna ya kuondoa changamoto hiyo na kupendekeza mtaala utakaotumika kufundishia kozi ya Aesthesia kabla ya kuupeleka kwa Tume ya Vyuo Vikuu Nchini (TCU).

” Ni kweli kumekuwepo kwa changamoto hiyo ya watalaamu wa dawa hizo lakini sasa mpango huu ukikamilika maana yake tutaongeza idadi ya madaktari kamili maana hawa waliopo wengi ni wale ambao wamesoma kozi kwa mwaka mmoja au miwili.

” Mafunzo yakianza kutolewa hapa chuoni Muhimbili wataweza kuchukua wanafunzi 200, Bugando 50 na KCMC 50 jambo ambalo litaongeza idadi kubwa ya watalaamu ili kuweza kufikia lengo letu la kuwa na wataalamu 2000 nchi nzima,” alinukuliwa Katibu Mkuu wa Wizara ya Afya, Jinsia, Wazee na Watoto, Dk Mpoki Ulisubisya.

Continue Reading

Jamii

Waziri Mkuu Majaliwa: Hatutangazi nyongeza ya mshahara hadharani kuepusha athari kwa jamii

Published

on

Waziri Mkuu, Kassim Majaliwa ameweka wazi kuwa serikali haitatangaza nyongeza ya mishahara kwa watumishi wa umma hadharani ili kuepusha athari kwa jamii ikiwemo kupanda kwa bei ya bidhaa.

Akizungumza leo Bungeni wakati akijibu swali la Mbunge wa viti maalumu (CHADEMA), Susan Lymo ambaye alitaka kufahamu kwanini Serikali imewanyima au imeshindwa kuwalipa watumishi wa umma nyongeza ya mishahara ambayo ni haki yao ya msingi kulingana na miaka waliyokaa kazini.

Akijibu swali la Mbunge huyo, Waziri Mkuu Majaliwa amesema Serikali ina utaratibu wa kutoa nyongeza ya mishahara kwa watumishi wake lakini haitangazi kwa wananchi wote kama ambavyo imekuwa ikifanyika kwenye sherehe za wafanyakazi za Mei Mosi kila mwaka.

Amesema Serikali ikitangaza mishahara hadharani inaweza kusababisha usumbufu kwa watu wasio watumishi wa umma na inaweza kupandisha bei ya bidhaa na kuathiri mwenendo wa mahitaji ya wananchi sokoni.

Nyongeza za mishahara ambazo zinatangazwa hadharani, mara nyingi zina athari yake sio kwamba Serikali haikusudii kutoa nyongeza ya mshahara kwa mwaka, lakini unapotumia Mei Mosi kutangaza nyongeza ya mshahara unaleta athari kwenye jamii kwasababu vitu vinaweza vikapanda bei, vikawasumbua hata na wananchi ambao hawalipwi mshahara,” amesema Waziri Mkuu.

Amebainisha kuwa siyo lazima Serikali itangaze hadharani kila inapoongeza mishahara kwa watumishi wa umma lakini ifahamike kuwa Serikali ina utaratibu wake mzuri wa kuboresha stahiki za wafanyakazi wake kila mwaka.

Suala la nyongeza ya mishahara liko Serikalini na Mhe Rais ameishawahakikishia wafanyakazi atawaongeza mishahara na sio lazima litangazwe hadharani. Mshahara ni suala la mtu binafsi hata ukiongezwa leo kuwa tumeitangaza leo tumeongeza mshahara kwa kiwango hiki. Ukifanya hivi tayari umeleta kupanda kwa gharama’” amebainisha Waziri Mkuu.

Ameongeza kuwa mkakati wa Serikali ni kupunguza gharama za mahitaji kwenye masoko ili kuzuia mfuko wa bei za bidhaa.

Hata hivyo, Waziri Mkuu Mjaliwa amesema Serikali inaendelea kufanya sensa ya watumishi wote nchi nzima na zoezi hilo likikamilika itaboresha nyongeza ya mwaka, nyongeza ya mishahara na upandishaji wa madaraja.

Awali katika swali lake, Mbunge Lyima amesema Serikali inakiuka Sheria ya Utumishi wa Umma ya kuwapatia watumishi stahiki zao na kuwapunguzia motisha ya kufanya kazi kwa ufanisi katika maeneo yao ya kazi na kuathiri mafao baada ya kustaafu.

Hoja ya Mbunge huyo ni muendelezo wa malalamiko ya watumishi dhidi ya Serikali kwamba hawajapata stahiki zao tangu ilipoanza zoezi la ukakiki wa watumishi wa umma mwaka 2015. Katika zoezi hilo watumishi zaidi ya 9,000 walibainika kutokukidhi vigezo vya utumishi na hivyo kuondolewa kazini.

Huenda kauli aliyoitoa Waziri Mkuu leo Bungeni inaweza ikatofautiana na ile ya Rais John Magufuli aliyoitoa wakati wa sherehe za Mei Mosi, 2018 mijini Iringa ambapo alinukuliwa akisema hawezi kutoa nyongeza ya mishahara akidai Serikali haina fedha.

Kwangu mimi ninafikiria hizi pesa tunazotoa kwa ajili ya elimu bure ni nzuri kuliko fedha hizo kuzipeleka kuongezea mishahara, naona bora kuwapa mikopo wanafunzi wa vyuo vikuu kuliko kuongezea wafanyakazi mishahara,

Nikisema nitaongeza hizo pesa mimi nitazitoa wapi? naogopa kusema uongo. Hata mimi napenda kupandishiwa mshahara lakini kwa hali halisi ya sasa hivi lazima niwaeleze ukweli,” alinukuliwa Rais Magufuli.

Hata hivyo alibainisha kuwa kabla ya kuondoka madarakani ataboresha maslahi ya wafanyakazi wa umma, “Nawaahidi, kipindi changu cha urais hakitaisha kabla sijapandisha mishahara kwa wafanyakazi, kupandisha kwangu haitakuwa kwa shilingi elfu kumi, itakuwa ni kupandisha kwelikwel.”

Continue Reading

Jamii

Maaskofu KKKT wapewa siku 10 kufuta waraka

Published

on

Serikali imetoa siku 10 kwa Kanisa la Kiinjili la Kilutheri Tanzania (KKKT), kuufuta kwa maandishi waraka wao waliotuoa Machi 24 mwaka huu na kisha kuujulisha Umma kwa njia mbalimbali walizotumia kuusambaza.

Kanisa la KKKT kupitia Baraza lake la Maaskofu lilitoa waraka uliopewa jina la ‘Taifa Letu Amani Yetu’ wakati wa Pasaka ambao mbali na masuala ya kiroho, ulibainisha mambo kadhaa yanayogusa mstakabali wa taifa.

Katika mitandao ya kijamii leo imesambazwa barua yenye kumbukumbu no. SO.748/25 inayoonyesha imeandikwa na Ofisi ya Msajili wa Vyama Wizara ya Mambo ya Ndani kwenda kwa Mwenyekiti /askofu Mkuu wa KKKT iliyoandikwa Mei 30, 2018 ikitoa maelekezo ya kufutwa waraka huo ndani ya siku 10 tangu ilipoandikwa barua hiyo.

Ikiwa na kichwa cha habari ‘Ujumbe wa Baraza la Maaskofu wa KKKT’ barua hiyo inaeleza baraza hilo halitambuliki kisheria katika ofisi ya msajili.

“Unaelekezwa kuufuta waraka husika kwa maandishi na kuujulisha umma kuwa taasisi yako haikuwa na haina uwezo kisheria kufanya kile mlichokifanya. Maandishi hayo yaufikie umma wa Watanzania kwa kupitia vyombo vya habari na njia zingine zilezile zilizotumika kuufikisha waraka ule mliouita ‘Ujumbe wa Baraza la Maaskofu KKKT’.

Hata hivyo, barua hiyo imetoa onyo kali kwa taasisi hiyo dini nchi kutekeleza agizo mara moja la sivyo itachukuliwa hatua za kisheria.

“Maelekezo haya yatekelezwe ndani ya siku kumi tangu kupokea kwa barua hii vinginevyo hatua kali zaidi za kisheria zitachukuliwa dhidi ya taasisi hii,” inasema barua hiyo.

Ikumbukwe kuwa  waraka huo ulisainiwa na maaskofu 27 wa kanisa hilo nchini na kutaja baadhi ya mambo hayo kuwa ni pamoja na utekaji, utesaji, kupotea kwa watu, mashambulizi ya silaha dhidi ya viongozi wa kisiasa, mauaji yenye mwelekeo wa kiitikadi, vitisho, ubambikiziaji wa kesi, na matumizi mabaya ya vyombo vya dola dhidi ya wananchi.ni hali ya kijamii na kiuchumi, maisha ya siasa, na masuala mtambuka likiwamo suala la Katiba Mpya.

Waraka uliongeza pia kwamba uhuru wa kujieleza, kutoa na kupokea habari umeendelea kutoweka nchini huku ukionya kubanwa na hatimaye kuelekea kupungua kwa uhuru wa Bunge, Mahakama, na Tume ya Uchaguzi, ukisema hatua hii ni pamoja na kudhoofishwa kwa serikali za Mitaa.

Lakini kabla ya KKKT kutoa waraka wao, Kanisa Katoliki nalo lilitoa waraka kama huo likionya baadhi ya mambo ikiwemo uminywaji wa misingi ya demokrasia ya vyama vingi na uhuru wa kujieleza.

Baada ya kusambaa kwa waraka huo, yalijitokeza mambo mengi ikiwemo kutofautiana na kwa mawazo ya wananchi kuhusu wajibu wa viongozi wa dini katika kutoa ushauri, kuonya au kukemea pale mambo yanapoenda mrama.

Waziri Mkuu, Kassim Majaliwa akiwa na Maaskofu wa KKKT

Hata hivyo, barua hiyo imepokelewa kwa hisia tofauti na watumiaji wa mitandao ya kijamii ikizingatiwa kuwa suala hilo lilijadiliwa na kupita, iweje linaibuka tena wakati huu ambapo kuna utulivu na yale mambo waliyoyapigia kelele na maaskofu  yamepungua ikiwemo kuteswa, kupotea kwa watu na vitisho dhidi ya viongozi wa kisiasa.

 

Wananchi bado wanawaamini viongozi wa dini

Wadau mbalimbali wa masuala ya kijamii wamesema kama kweli barua hiyo imetolewa na serikali, inaweza kuchochea taharuki zaidi kwa waumini wa kanisa hilo na wananchi kwasababu linagusa moja kwa moja imani zao.

Amebainisha kuwa bado waumini wengi wana imani na viongozi wao dini na kwamba yale wanayotamka yanakuwa na nia njema kwa jamii yao. Na katika muktadha huo serikali inapaswa kuwa makini ili kuepusha matatizo zaidi yanayoweza kutokea.

Akizungumza na FikraPevu, Katibu wa Jukwaa la Wahariri Tanzania (TEF), Neville Meena amesema kama serikali ilibaini kuna tatizo kwenye usajili wa Baraza la Maaskofu la KKKT ingekaa na wahusika na kulimaliza kuliko kujitokeza hadharani na kuendeleza jambo ambalo limepita.

“Mimi namwamini Mungu kuliko serikali na viongozi wangu wa dini hasa Maaskofu. Hivyo serikali inapaswa kuwa makini na mambo yanayogusa imani za watu. Katika hili walipaswa kutafakari sana jinsi ya kushughulika nalo. Vinginevyo halina afya kwa ustawi wa taifa letu,” amesema Meena.

Amesema Maaskofu walitimiza wajibu wao wa kuonya kabla mambo hayajaharibika na serikali inapaswa kuyafanyika kazi yale yalyotajwa kwenye waraka au kukaa kimya ili kuepusha migongano isiyo na faida kwa taifa.

Continue Reading

Muhimu Kusoma