Connect with us

Education

Nachingwea: Ardhi yatumika kama Ubao wa kufundishia

Published

on

Ukosefu wa vibao vya kujifundishia inawalazimu wanafunzi wa awali kuandika katika ardhi, kitu ambacho kinachangia ugumu wa mwanafunzi kuelewa kwa haraka na uwezekano wa kupata magonjwa kama mafua na nyungunyungu.

Hali hiyo imejitokeza katika shule ya msingi ya Kiegei iliyopo katika Kijiji cha Kiegei Kata ya Kiegei Wilaya ya Nanchingwea Mkoa wa Lindi, kwa wanafunzi wa awali kuandika kwenye ardhi.

vibao-ardhi

“Tuna vibao vya kujifunza 20 tu, na kwa sasa tuna wanafunzi 60 ukilinganisha na vibao tulivyonavyo hivitoshi kwa wanafunzi wote kujifunzia kuandika, ukimpa mmoja wengine wanalia inabidi niviwekee tuu na wote kujifunza chini ya ardhi,” alisema Mwalimu Hamza.

Kwa sasa shule haina pesa ya kununua vibao vingine vya kusomea kwa wanafunzi hao wa awali, inawalazimu kusoma kwa kuandika kwenye ardhi mpaka watakapo elewa jinsi ya kuandika ndio wataandika katika madaftari.

“Shule haina pesa ya kununua vibao vya kufundishia watoto, kutokana na ugumu wa maisha kwa huku kijijini na pesa ya korosho hatujalipwa mpaka sasa, pesa ya kula kwa siku ni shida sana tutaweza kupata pesa ya kununua kibao cha kusomea mwanafunzi,” alisema Mchekenje Mwalimu Mkuu  wa shule hiyo.

mwalimu-ubao

Kwa upande wa watoto wanaonekana kuchoka  na wengine kuchubuka vidole, kwa kuandika katika ardhi kwa muda wa saa mbili hadi tatu kitu ambacho kitachangia kutokwenda kwa watoto shuleni hapo kwa kukimbia zoezi hilo la kujifunza kuandika.

Jamadini Mkumbila ni Mjumbe wa Kamati ya Wazazi katika shule ya Msingi Kiegei alisema, kuwa kweli watoto wanajifunza kuandika kwenye ardhi kwa kukosa vibao na kamati ya wazazi ya shule haina pesa ya kununua vibao vya kujifunzia.

Ghalama ya mwanafunzi mmoja wa shule ya awali kwa mwaka ni Tshs. 6000, kutokana na hali halisi ya kipato kwa wakazi wa Kiegei kutolipwa pesa ya korosho, walizokopesha mwaka jana mwezi Oktoba mpaka sasa wanafunzi bado hawajalipa ada ya shule ya awali.

“Tungelipwa pesa zetu za korosho tungelipa ada ya mtoto lakini kwa kutokana na ukata inakuwa ngumu kulipa pesa hiyo kwa sasa ili walimu wanunue vibao vya kujifunzia shuleni,” alisema Musa Mputo

Continue Reading
Click to comment

Leave a Reply

Your email address will not be published. Required fields are marked *

Education

Kwanini ni vigumu kuomba msaada?

Published

on

Ni matarajio au matamanio ya kila mtu kusaidiwa kukamilisha jambo fulani. Iwe kazini au kwenye shughuli yoyote ya kijamii, utahitaji watu wenye ujuzi na maarifa tofauti tofauti kufanikisha malengo yako. Mfano, wachezaji wakiwa uwanjani wanacheza kwa kusaidiana kila mmoja katika nafasi yake ili kuifunga timu pinzani na kuibuka na ushindi.

Hakuna jambo lolote linaloweza kukamilika bila ya kuwa na usaidizi wa namna fulani. Lakini umewahi kujiuliza kwanini ni vigumu kwa watu kuomba msaada?

Jibu linatolewa na Mwanasaikolojia ya Jamii, Heidi Grant anaeleza kuwa, kilichopo nyuma ya kuomba msaada ni hofu ya kukataliwa ambayo imekita mizizi katika saikolojia ya uumbaji wa mwanadamu.

Katika kitabu chake kiitwacho, Reinforcements anaandika kuwa kuomba msaada ni jambo lisilopendeza linalomfanya mtu ajisikie mgonjwa.

Hilo linathibitishwa na Mtaalamu wa Saikolojia mwingine nchini Marekani, Stanley Milgram ambaye alifanya jaribio la utii na mamlaka ambapo aliwaelekeza wanafunzi wake ambao walikuwa wamesimama ndani ya treni kuomba nafasi ya kukaa kwenye viti. Anasema majibu aliyopata ni kwamba wengi wao waliogopa kuomba msaada huo. “Niliogopa ningesingeweza,” alisema mmoja wa wanafunzi.

Lakini  Milgram aliamua  kuomba siti na akakubaliwa , “ Kichwa changu kilizama katikati ya miguu yangu na nilihisi nimepigwa na butwaa,” anaandika. “Sikufanya wajibu wangu. Nilikuwa najisikia kama naenda kupotea.”

Muitiko huo ambao Grant ameuelezea unahusiana na tabia za kijamii ambazo zimeunganishwa kwenye ubongo wa mwanadamu tangu karne nyingi za uumbaji. Kama wanyama wengine, binadamu wameumbwa kupata msaada kutoka kwa familia na jamii zao ili waweze kuishi. Lakini inafika wakati tunaogopa kuomba msaada hata kama tuna shida.

 

Kwanini watu wanaogopa kuomba msaada?

Zipo sababu mbalimbali ambazo zinasababisha watu kuogopa kuomba msaada ni kupoteza  hadhi na heshima katika jamii. Wapo baadhi ya watu wana hadhi fulani ambayo anahisi akiomba msaada kwa watu  atadharaulika. Pia kukataliwa, siyo kila ombi linakubaliwa, mengine yanakatiliwa; hofu hiyo huwazuia watu kuomba msaada. Wakati mwingine ukiomba msaada inakuwa ni njia ya watu kufahamu matatizo yako na kuwaambia wengine; jambo linaloweza kutengeneza huzuni katika maisha.

Grant anaeleza kuwa kuomba msaada kunakuweka wazi zaidi na hatari za kijamii ambazo zinaweza  kudhihirisha unyonge  na kukaribisha maumivu.

Anaeleza zaidi kuwa inatengeneza huzuni, na kukaribisha uwezekano wa kukataliwa. “Hajalishi, ndiyo maana tunaogopa kuomba msaada kama tunavyogoopa maradhi,” ameandika. “Maradhi yanaweza kuwa  na hatari ndogo kwetu ukilinganisha na kuomba msaada.”

Hata hivyo, ni mara chache sana matokeo hasi tuliyoyaona hapo juu kutokea mara tunapoomba msaada. Katika utafiti mwingine, Mwanasaikolojia  Vanessa Bohns alichunguza sampuli ya watu 14,000 ambao walitakiwa kuomba msaada. Na alibaini kuwa idadi kubwa ya walioomba msaada walikuwa na uwezekano mkubwa wa kupata kuliko ambavyo walikuwa wanaamini awali.

Katika semina mbalimbali, Mhamasishaji, Antony Luvanda amekuwa akisisitiza kuwa kuomba msaada siyo ishara ya unyonge bali ni ishara kuwa umeimarika kimaisha.

Kwa maneno mengine, inaweza kuwa rahisi kupata msaada kuliko kuomba.

Continue Reading

Education

Utunzaji nyaraka za serikali katika kijiji cha Magalata

Published

on

NYARAKA mbalimbali za serikali na kumbukumbu za ofisi ya kijiji cha Magalata, kilichoko katika wilaya ya Kishapu, ziko hatarini kuharibika na kulowana na maji iwapo mvua zitanyesha.

(more…)

Continue Reading

Education

Historia ya Shule ya Msingi Nachingwea imebaki katika ‘kava’ la daftari…

Published

on

Historia ya shule ya msingi Kiegei katika kata ya Kiegei wilaya ya Nachingwea mkoa wa Lindi, imebaki katika kava moja tu la daftari, lakini shule hiyo inakabiliwa na uhaba wa vitabu, vitendea kazi vya kufundishia na walimu.

(more…)

Continue Reading

Muhimu Kusoma

Copyright © 2020 FikraPevu.com