Connect with us

Siasa

Wananchi wanapotaka waganga watatue shida zao

Published

on

MWAKA jana Mkuu wa Wilaya ya Bahi, Betty Mkwasa alikumbwa na zomeazomea ya wananchi wa Wilaya hiyo baada ya kupiga marufuku waganga wa kutoa uchawi kufanya kazi zao ndani ya Wilaya hiyo.

Wananchi hao walikuwa wakitaka waganga hao waruhusiwe kufanya kazi ya kutoa uchawi ndani ya Wilaya hiyo huku DC huyo akiwa hakubaliani na maamuzi hayo.

Kwa mujibu wa mkuu huyo wa Wilaya  alisema kamwe hatakubali kubadilisha uamuzi huo kwani anataka wananchi waachane na mambo ya kishirikina na wafuate shughuli za maendeleo.

Kwa muda mrefu Dodoma umekuwa ni miongoni mwa mikoa ambayo inavamiwa na waganga wa kutoa uchawi maarufu kama lambalamba lakini tatizo hilo linaonekana kupungua kutokana na juhudi mbalimbali zinazofanywa katika kuhakikisha waganga hao wanaondoka.

lambalamba

Waganga wa kutoa uchawi maarufu kama lambalamba wakiwa nje wa kituo kikuu cha polisi mkoani Dodoma baada ya kukamatwa.

Juhudi hizo ni pamoja na kuelimisha wananchi ili kuweza kuachana na imani potofu.
Pia kuna juhudi zilizofanywa na Mkuu wa Mkoa ili kufukuza waganga hao, juhudi ambazo mara kadhaa zilikuwa zikigonga ukuta kutokana na wananchi kutaka waganga hao watatue shida zao.
Katika eneo la Gawaye Manispaa ya Dodoma wananchi walikuwa wakishindwa kwenda kwenye shughuli za uzalishaji mali na kupanga foleni kwa waganga kwa lengo la kutatuliwa matatizo yao.
Hilo pia lilisababisha kuzorotesha uchumi kwenye ngazi ya kaya.

Mmoja wa watu wanaofanya kazi ya lambalamba, Majuto Mohamed anasema wamekuwa wakizunguka Vijiji mbalimbali vya mkoa wa Dodoma kwa nia ya kutoa pepo wabaya kwenye nyumba.

“Kama kuna Fisi au nyoka tunamtoa baada ya kufanya kazi yetu  na huwa tunafanya hivyo baada ya  wananchi au viongozi wa vijiji au vitongoji  kukubaliana” anasema.

Mkuu wa Mkoa wa Dodoma Dk. Rehema Nchimbi anasema waganga hao hawastahili kuwemo katika jamii kwani wamekuwa wakitapeli wananchi fedha zao kwa madai ya kutoa uchawi huku wakifanya unyanyasaji mkubwa wa kijinsia kwa wanawake.

Anasema licha ya kupita kila Kaya kukusanya fedha za kutoa uchawi pia wamekuwa wakichagua wanawake kila kijiji wanapofika kuweka kambi ili kuwapikia na hata kulala nao.

Anasema aliwahi kupata malalamiko kuwa baadhi ya vijiji ambapo lambalamba hao kabla ya kuinga ndani lazima wanawake waliovua nguo wawe mlangoni ambapo huwaruka kisha kuingia ndani.

Dk Nchimbi anasema huo ni udhalilishaji mkubwa kwa wanawake na jamii inatakiwa kukemea vitendo hivyo kwa nguvu zote.

Mkuu wa Wilaya ya Chamwino Fatma Ally anasema lambalamba hao wamekuwa wakitumia uelewa mdogo walionao wananchi li kuwarubuni na kisha kuwatapeli.

Anasema miongoni mwa Wilaya zilizoathirika na tatizo la lambalamba katika mkoa wa Dodoma ni Chamwino kutokana na baadhi ya viongozi wa vijiji kuwaruhusu kufanya kazi hizo.

Godfrey Wambali ni mwanasheria kutoka Ofisi ya Mwanasheria wa Serikali kanda ya kati Dodoma anasema kuna sheria inayozungumzia vitendo vya uchawi.

Wambali anasema Sheria ya uchawi (Witch craft Act ) namba 12 ya mwaka 1998 , kwenye kifungu cha 3 cha sheria hiyo kinaongelea vitendo hivyo ambavyo ni makosa.

Anasema mtu yoyote kutumia kauli yake vitendo na kujifanya ana nguvu za uchawi, anayefanya , anayetumia au kujifanya ana vifaa vya uchawi, kusambaza kwa watu wengine kushawishi watu wengine kujiunga na uchawi,kutishi kutumia uchawi wote wanakuwa wamefanya makosa chini ya kifungu hicho cha sheria.

Pia anasema kifungu cha tano cha sheria hiyo kinaongelea adhabu ambapo mtu yoyote anayetenda vitendo vilivyotajwa katika sheria hiyo , kusababisha kifo, ugonjwa, majeraha,msiba au balaa lolote katika jamii au jumuia ya watu fulani kwa mtu pekee mnyama au kusababisha uharibifu wa mali yoyote na kutaja kuwa mtu mchawi anastahili kupata adhabu isiyopungua miaka saba.

Mwanasheria huyo anasema mtu ambaye anafanya makosa yaliyopo ndani ya sheria hiyo pasipo kujua adhabu yake ni faini ya Sh. 100,000 au kifungo kisichopungua miaka mitano

Kamanda wa Polisi Mkoa wa Dodoma Kamishna Msaidizi  Mwandamizi wa Polisi (SACP) David Misime anasema lambalamba ni tatizo kubwa katika Mkoa wa Dodoma kutokana na watu kadhaa kukamatwa wakijihusisha na vitendo hivyo.

Anasema watu hao walikuwa wakijihusisha na vitendo vya kishirikina kwa kujifanya wanaagua na kufichua wachawi katika Vijiji mbalimbali.

Waliokamatwa walikuwa wakitoka mikoa ya Mtwara,Lindi, Dar es Salaam.

Anasema mbinu walizokuwa wakitumia watu hao ni pamoja na kuwaita watu wachawi na kuchukua fedha zao kwa nguvu .

Anawataka wananchi kuacha kushabikia vitendo hivyo kwani ni njia waliobuni watu hao kwa lengo la kujipatia fedha kwa njia ya udanganyifu, kudhalilisha na kujenga chuki ndani ya jamii kutokana na kuwaita wengine wachawi.

Mwenyekiti  Chama cha Waganga wa Tiba za Asili na Wakunga wa Jadi (CHAWATIATA) Mkoa wa Dodoma Issa Mohamed Mdoe anasema chama kinawatambua waganga wa kutoa uchawi maarufu kama lambalamba ni wahuni kwani hakuna mganga anayeunda kikundi, kazi ya waganga ni mtu na wateja wake.

“Lambalamba ni vijana wasio na kazi maalum ambao wameunda kikundi na kujifanya ni waganga na hivyo kuwapa usumbufu wananchi na kujifanya  wanatoa uchawi”.

Anasema chama kimekuwa kikifanya juhudi mbalimbali kuhakikisha uhuni huo unakoma ikiwemo kupita kata kwa kata na vijiji  kuelimisha wananchi wasikubali kurubuniwa  na kuchukuliwa fedha zao kwa madai kuwa watatolewa uchawi huo ni  utapeli kwani hakuna uchawi unaotolewa

“Vitu wanatega wenyewe na asubuhi wanasema wamekuta nyumba Fulani ina uchawi” anasema

“Chawatiata inasikitika kwa sababu baadhi ya viongozi  wa vijiji na kata walikuwa wakishirikiana na lambalamba kwa kupewa fedha kidogo na kuruhusu wafanye shughuli zao jambo ambalo ni uvunjifu wa amani kwani hakuna mtu mwenye haki ya kuingia eneo la mtu mwingine bila ridhaa yake” alisema

Mratibu wa Ukimwi Mkoa wa Dodoma Audry Njelekela, alisema zipo changamoto za kupambana na VVU na ukatili wa kijinsia katika mikoa ya Dodoma .

Anasema amewahi kusikia tatizo la waganga wa kutoa uchawi kutumia wembe mmoja kunyoa zaidi ya watu watatu lakini kinachotakiwa ni wananchi kuachana na imani za kishirikina ili wawe salama.

Anasema kinachotakiwa ni elimu zaidi ili wananchi waweze kuelimika na kuchana na imani hizo.

Ally Biringi ni chifu wa Wagogo akiwa mkazi wa Makulu Dodoma anasema kazi ya lambalamba haiwezi kukubalika katika eneo lolote.

Anasema waganga hao ni matapeli  ambapo wakati mwingine wamekuwa wakitaja  mtu au watu wanaozuia mvua zamani mambo hayo yalikuwa hayapo kabisa.

“Leo lambalamba na uwezo wa kuingia nyumbani kwa watu anatoa uchawi  kisha anataka hela  hapo wananchi wanaona kama wanasaidiwa kumbe wanatapeliwa” anasema

Continue Reading
Click to comment

Leave a Reply

Your email address will not be published. Required fields are marked *

Siasa

Sakata la waraka wa Maaskofu KKKT lang’oka na Msajili Mambo ya Ndani

Published

on

Waziri wa Mambo ya Ndani Mambo ya Ndani, Mwigulu Nchemba amemsimamisha kazi Mkurugenzi wa Idara ya Sheria na Usajili wa Jumuiya za Kidini na Vyama vya Kijamii, Merlin Komba ili kupisha uchunguzi wa barua iliyoandikwa ukilitaka Kanisa la Kiinjili la Kilutheri Tanzania (KKKT) kufuta waraka ilioutoa Machi mwaka huu.

Barua iisambazwa kwenye mitandao ya kijamii ikiitaka KKKT kuufuta waraka wa Pasaka uliotolewa Machi 24 mwaka huu vinginevyo hatua kali za sheria zitachukuliwa dhidi ya kanisa hilo.

Waraka huo uliopewa jina la ‘Taifa letu amani yetu’ ulisainiwa na maaskofu 27 wa kanisa hilo. Ulijikita kujadili masuala ya jamii, uchumi, siasa, katiba mpya na matukio ambayo yako kinyume na kile lilichokiita tunu na misingi ya Taifa.

Akizungumza na wanahabari jijini Dar es Salaam, Waziri Nchemba amesema Serikali haipingani na dhehebu lolote na pale ambapo kuna uhitaji wa kufanyia kazi jambo kuhusu taasisi zilizopo chini ya wizara hiyo taratibu huwa zinatumika kuzungumza na sio kama ilivyofanywa taarifa hiyo inayosambaa.

“Serikali inalinda uhuru wa kuabudu na waumini hivyo huo waraka una maudhui kama matatu, ni barua batili na tunaendelea kuchunguza kama imetengenezwa basi imetengenezwaje, kwani haujapita kwetu.” amesema Waziri Mwigulu.

Kutokana na msimamo huo wa serikali, Waziri Nchemba, amemsimamisha kazi Mkurugenzi wa Idara ya Sheria na Usajili wa Jumuiya za Kidini na Vyama vya Kijamii, Merlin Komba, kupisha uchunguzi wa barua iliyoandikwa kwa maaskofu wa KKKT.

“Hivyo basi, namsimamisha Msajili wa hizo taasisi kupisha uchunguzi na ikithibitika ni za Wizara tuweze kujua maana jambo hilo halijapita kwa Waziri, Katibu Mkuu na wala si maelekezo ya serikali,” amesema.

Hata hivyo, amewatoa hofu viongozi wa dini kutokana na sakata hilo na kuwataka waendelee na majukumu yao huku ikitahadharisha jamii kuwa makini na taarifa zinazosambazwa kwenye mitandao ya kijamii.

“Tunawaomba viongozi wa dini waendelee na kazi zao, nasema jamii iwe macho na taarifa zinazosambaa kwenye mitandao ya jamii na wasifanyie kazi taarifa hizo. Viongozi wa dini wasiwe na taharuki na taarifa hizo, hazina baraka za Serikali na wasisite kuwasiliana na Serikali kujua uhalali wake,” amesema.

Waziri Nchemba amesema waraka wa viongozi wa dini uliotolewa miezi iliyopita ni jambo lililopita na hakukuwa na haja ya kuendeleza malumbano yasiyo na tija kwenye jamii.

Katika waraka wa ujumbe wa pasaka uliosomwa katika makanisa ya Kilutheri kote nchini Tanzania na kusambaa katika mitandao ya kijamii, baraza hilo limeorodhesha mambo kadhaa ambayo wameyataja kuwa ndio tishio la umoja na amani ya nchi hiyo.

Utekwaji wa watu wa hivi karibuni, utesaji, kupotea kwa watu, mashambulizi ya silaha dhidi ya viongozi wa kisiasa, muaji yenye mwelekeo wa kiitikadi, vitisho, ubambikiziaji wa kesi, na matumizi mabaya ya vyombo vya dola dhidi ya wananchi ni baadhi tu ya mambo yaliyotajwa katika waraka huo.

Lakini pia Watanzania wamekuwa na hisia tofauti kuhusu viongozi wa dini kuzungumzia hali ya kisiasa nchini. Waraka wa KKKT ulikuja mwezi mmoja baada ya ule wa maaskofu wa kanisa katoliki ambao nao ulionya juu ya kuminywa kwa haki ya kufanya shughuli za kisiasa kama mikutano ya hadhara na maandamano.

Baada ya nyaraka hizo mbili kutolewa na Maaskofu, baadhi ya mambo yaliyokuwa yakilalamikiwa yalipata ufumbuzi ikiwemo kupungua kwa mauaji na uteswaji wa raia kulikuwa kunafanywa na watu wasiojulikana.

Continue Reading

Jamii

Waziri Mkuu Majaliwa: Hatutangazi nyongeza ya mshahara hadharani kuepusha athari kwa jamii

Published

on

Waziri Mkuu, Kassim Majaliwa ameweka wazi kuwa serikali haitatangaza nyongeza ya mishahara kwa watumishi wa umma hadharani ili kuepusha athari kwa jamii ikiwemo kupanda kwa bei ya bidhaa.

Akizungumza leo Bungeni wakati akijibu swali la Mbunge wa viti maalumu (CHADEMA), Susan Lymo ambaye alitaka kufahamu kwanini Serikali imewanyima au imeshindwa kuwalipa watumishi wa umma nyongeza ya mishahara ambayo ni haki yao ya msingi kulingana na miaka waliyokaa kazini.

Akijibu swali la Mbunge huyo, Waziri Mkuu Majaliwa amesema Serikali ina utaratibu wa kutoa nyongeza ya mishahara kwa watumishi wake lakini haitangazi kwa wananchi wote kama ambavyo imekuwa ikifanyika kwenye sherehe za wafanyakazi za Mei Mosi kila mwaka.

Amesema Serikali ikitangaza mishahara hadharani inaweza kusababisha usumbufu kwa watu wasio watumishi wa umma na inaweza kupandisha bei ya bidhaa na kuathiri mwenendo wa mahitaji ya wananchi sokoni.

Nyongeza za mishahara ambazo zinatangazwa hadharani, mara nyingi zina athari yake sio kwamba Serikali haikusudii kutoa nyongeza ya mshahara kwa mwaka, lakini unapotumia Mei Mosi kutangaza nyongeza ya mshahara unaleta athari kwenye jamii kwasababu vitu vinaweza vikapanda bei, vikawasumbua hata na wananchi ambao hawalipwi mshahara,” amesema Waziri Mkuu.

Amebainisha kuwa siyo lazima Serikali itangaze hadharani kila inapoongeza mishahara kwa watumishi wa umma lakini ifahamike kuwa Serikali ina utaratibu wake mzuri wa kuboresha stahiki za wafanyakazi wake kila mwaka.

Suala la nyongeza ya mishahara liko Serikalini na Mhe Rais ameishawahakikishia wafanyakazi atawaongeza mishahara na sio lazima litangazwe hadharani. Mshahara ni suala la mtu binafsi hata ukiongezwa leo kuwa tumeitangaza leo tumeongeza mshahara kwa kiwango hiki. Ukifanya hivi tayari umeleta kupanda kwa gharama’” amebainisha Waziri Mkuu.

Ameongeza kuwa mkakati wa Serikali ni kupunguza gharama za mahitaji kwenye masoko ili kuzuia mfuko wa bei za bidhaa.

Hata hivyo, Waziri Mkuu Mjaliwa amesema Serikali inaendelea kufanya sensa ya watumishi wote nchi nzima na zoezi hilo likikamilika itaboresha nyongeza ya mwaka, nyongeza ya mishahara na upandishaji wa madaraja.

Awali katika swali lake, Mbunge Lyima amesema Serikali inakiuka Sheria ya Utumishi wa Umma ya kuwapatia watumishi stahiki zao na kuwapunguzia motisha ya kufanya kazi kwa ufanisi katika maeneo yao ya kazi na kuathiri mafao baada ya kustaafu.

Hoja ya Mbunge huyo ni muendelezo wa malalamiko ya watumishi dhidi ya Serikali kwamba hawajapata stahiki zao tangu ilipoanza zoezi la ukakiki wa watumishi wa umma mwaka 2015. Katika zoezi hilo watumishi zaidi ya 9,000 walibainika kutokukidhi vigezo vya utumishi na hivyo kuondolewa kazini.

Huenda kauli aliyoitoa Waziri Mkuu leo Bungeni inaweza ikatofautiana na ile ya Rais John Magufuli aliyoitoa wakati wa sherehe za Mei Mosi, 2018 mijini Iringa ambapo alinukuliwa akisema hawezi kutoa nyongeza ya mishahara akidai Serikali haina fedha.

Kwangu mimi ninafikiria hizi pesa tunazotoa kwa ajili ya elimu bure ni nzuri kuliko fedha hizo kuzipeleka kuongezea mishahara, naona bora kuwapa mikopo wanafunzi wa vyuo vikuu kuliko kuongezea wafanyakazi mishahara,

Nikisema nitaongeza hizo pesa mimi nitazitoa wapi? naogopa kusema uongo. Hata mimi napenda kupandishiwa mshahara lakini kwa hali halisi ya sasa hivi lazima niwaeleze ukweli,” alinukuliwa Rais Magufuli.

Hata hivyo alibainisha kuwa kabla ya kuondoka madarakani ataboresha maslahi ya wafanyakazi wa umma, “Nawaahidi, kipindi changu cha urais hakitaisha kabla sijapandisha mishahara kwa wafanyakazi, kupandisha kwangu haitakuwa kwa shilingi elfu kumi, itakuwa ni kupandisha kwelikwel.”

Continue Reading

Jamii

Maaskofu KKKT wapewa siku 10 kufuta waraka

Published

on

Serikali imetoa siku 10 kwa Kanisa la Kiinjili la Kilutheri Tanzania (KKKT), kuufuta kwa maandishi waraka wao waliotuoa Machi 24 mwaka huu na kisha kuujulisha Umma kwa njia mbalimbali walizotumia kuusambaza.

Kanisa la KKKT kupitia Baraza lake la Maaskofu lilitoa waraka uliopewa jina la ‘Taifa Letu Amani Yetu’ wakati wa Pasaka ambao mbali na masuala ya kiroho, ulibainisha mambo kadhaa yanayogusa mstakabali wa taifa.

Katika mitandao ya kijamii leo imesambazwa barua yenye kumbukumbu no. SO.748/25 inayoonyesha imeandikwa na Ofisi ya Msajili wa Vyama Wizara ya Mambo ya Ndani kwenda kwa Mwenyekiti /askofu Mkuu wa KKKT iliyoandikwa Mei 30, 2018 ikitoa maelekezo ya kufutwa waraka huo ndani ya siku 10 tangu ilipoandikwa barua hiyo.

Ikiwa na kichwa cha habari ‘Ujumbe wa Baraza la Maaskofu wa KKKT’ barua hiyo inaeleza baraza hilo halitambuliki kisheria katika ofisi ya msajili.

“Unaelekezwa kuufuta waraka husika kwa maandishi na kuujulisha umma kuwa taasisi yako haikuwa na haina uwezo kisheria kufanya kile mlichokifanya. Maandishi hayo yaufikie umma wa Watanzania kwa kupitia vyombo vya habari na njia zingine zilezile zilizotumika kuufikisha waraka ule mliouita ‘Ujumbe wa Baraza la Maaskofu KKKT’.

Hata hivyo, barua hiyo imetoa onyo kali kwa taasisi hiyo dini nchi kutekeleza agizo mara moja la sivyo itachukuliwa hatua za kisheria.

“Maelekezo haya yatekelezwe ndani ya siku kumi tangu kupokea kwa barua hii vinginevyo hatua kali zaidi za kisheria zitachukuliwa dhidi ya taasisi hii,” inasema barua hiyo.

Ikumbukwe kuwa  waraka huo ulisainiwa na maaskofu 27 wa kanisa hilo nchini na kutaja baadhi ya mambo hayo kuwa ni pamoja na utekaji, utesaji, kupotea kwa watu, mashambulizi ya silaha dhidi ya viongozi wa kisiasa, mauaji yenye mwelekeo wa kiitikadi, vitisho, ubambikiziaji wa kesi, na matumizi mabaya ya vyombo vya dola dhidi ya wananchi.ni hali ya kijamii na kiuchumi, maisha ya siasa, na masuala mtambuka likiwamo suala la Katiba Mpya.

Waraka uliongeza pia kwamba uhuru wa kujieleza, kutoa na kupokea habari umeendelea kutoweka nchini huku ukionya kubanwa na hatimaye kuelekea kupungua kwa uhuru wa Bunge, Mahakama, na Tume ya Uchaguzi, ukisema hatua hii ni pamoja na kudhoofishwa kwa serikali za Mitaa.

Lakini kabla ya KKKT kutoa waraka wao, Kanisa Katoliki nalo lilitoa waraka kama huo likionya baadhi ya mambo ikiwemo uminywaji wa misingi ya demokrasia ya vyama vingi na uhuru wa kujieleza.

Baada ya kusambaa kwa waraka huo, yalijitokeza mambo mengi ikiwemo kutofautiana na kwa mawazo ya wananchi kuhusu wajibu wa viongozi wa dini katika kutoa ushauri, kuonya au kukemea pale mambo yanapoenda mrama.

Waziri Mkuu, Kassim Majaliwa akiwa na Maaskofu wa KKKT

Hata hivyo, barua hiyo imepokelewa kwa hisia tofauti na watumiaji wa mitandao ya kijamii ikizingatiwa kuwa suala hilo lilijadiliwa na kupita, iweje linaibuka tena wakati huu ambapo kuna utulivu na yale mambo waliyoyapigia kelele na maaskofu  yamepungua ikiwemo kuteswa, kupotea kwa watu na vitisho dhidi ya viongozi wa kisiasa.

 

Wananchi bado wanawaamini viongozi wa dini

Wadau mbalimbali wa masuala ya kijamii wamesema kama kweli barua hiyo imetolewa na serikali, inaweza kuchochea taharuki zaidi kwa waumini wa kanisa hilo na wananchi kwasababu linagusa moja kwa moja imani zao.

Amebainisha kuwa bado waumini wengi wana imani na viongozi wao dini na kwamba yale wanayotamka yanakuwa na nia njema kwa jamii yao. Na katika muktadha huo serikali inapaswa kuwa makini ili kuepusha matatizo zaidi yanayoweza kutokea.

Akizungumza na FikraPevu, Katibu wa Jukwaa la Wahariri Tanzania (TEF), Neville Meena amesema kama serikali ilibaini kuna tatizo kwenye usajili wa Baraza la Maaskofu la KKKT ingekaa na wahusika na kulimaliza kuliko kujitokeza hadharani na kuendeleza jambo ambalo limepita.

“Mimi namwamini Mungu kuliko serikali na viongozi wangu wa dini hasa Maaskofu. Hivyo serikali inapaswa kuwa makini na mambo yanayogusa imani za watu. Katika hili walipaswa kutafakari sana jinsi ya kushughulika nalo. Vinginevyo halina afya kwa ustawi wa taifa letu,” amesema Meena.

Amesema Maaskofu walitimiza wajibu wao wa kuonya kabla mambo hayajaharibika na serikali inapaswa kuyafanyika kazi yale yalyotajwa kwenye waraka au kukaa kimya ili kuepusha migongano isiyo na faida kwa taifa.

Continue Reading

Muhimu Kusoma

Copyright © 2020 FikraPevu.com